2023 жылғы 13 қараша күні Маңғыстау облыстық ішкі саясат басқармасы "Жағымды жаңалық" қоғамдық қорының ұйымдастыруымен, жергілікті БАҚ қызметкерлері мен баспасөз хатшылары үшін  шеберлік сағатын өткізді.

Тренинг жүргізген спикерлер өте жақсы таңдалған. Тәжірибелі журналистер: ҚР Журналистер Одағының мүшесі, "Ақпарат саласының үздігі" А.Шамшаддинова, ҚР Журналистер Одағының мүшесі, медиа-тренер А.Меңдіхан, ҚР Журналистер Одағының мүшесі, "Ақпарат саласының үздігі" Л.Тындырғанова заманауи журналистика талабын меңгеру, журналистика этикасы, ақпарат берудің әдіс-тәсілдері, жаңа медиа мен коммуникацияның мүмкіндіктері, буллинг және кибербуллинг, бұқаралық ақпарат құралдарында ақпараттардың ресми құжаттарға сәйкес болуы, этикалық қағидалар, БАҚ-та және әлеуметтік желідегі агрессия, фейк жаңалықтар, қылмыстық және азаматтық жауапкершілік, бұқаралық коммуникациялардың заманауи беталысы бойынша тың ақпараттарымен бөлісті. Мамандардың баяндамаларын қатысушыларға түсінікті, жеңіл мәнерде жеткізгені көңілімізден шықты.

Біз бұл тренингке мемлекеттік мекемелердегі ​ қоғаммен байланыс жөніндегі  мамандар ретінде қатыстық. Көптеген мекемелерде баспасөз жұмысы қарапайым қызметкерлерге жүктелген. Басты міндетіміз - мекеменің сайты, жарнама парақтары, әлеуметтік желі, ​ жалпы айтқанда​ барлық байланыс құралдары арқылы қоғаммен байланысты ашық түрде жүргізіп, мекемеге оң  имидж бен халықтың жағымды пікірін қалыптастыру және медицина саласында болып жатқан жаңалықтармен жүйелі түрде халықты құлағдар ету. Журналистикадан алшақ болсақ та, талап та, міндет те, ​жауапкершілік те БАҚ өкілдерімен бірдей.

Бүгінгі өткен шеберлік класс біздер үшін біліктілігімізді арттыруға, білімімізді шыңдауға ​ үлкен мүмкіндік болды. Дәріс барысында қатысушылардың барлығы тақырыптарға  қызығушылық, белсенділік танытып, тапсырмаларды орындады. Ой-пікірлерімізбен бөлісіп, сұрақтарымызға толыққанды жауаптар алдық. Өзара тәжірибе алмастық.

БАҚ мамандарының кәсіби потенциалын көтеруді, біліктілігін арттыруды ​ұйымдастырған "Жағымды жаңалық" қоғамдық қорының басшысы,  білімді, жан-жақты, медиасауатты жас журналист Нұрлан Қуанышбайдың қызметіне сәттілік тілейміз! ​Шеберлік сағаты өте  жоғары деңгейде өтті!

Алдағы уақытта да осындай шаралар көбірек ұйымдастырылса, ​мемлекеттік мекеме жұмысының ашықтығы мен жариялылығын арттыруға бірден бір ​ ықпал ететін  нәрсе - мамандардың КӘСІБИ ӨСУІ ​айтарлықтай жоғарылары сөзсіз..