АИТВ-ның анадан балаға берілуі – денсаулық сақтау саласындағы жауапты мәселе.

2023 жылдың 30 қараша күні Облыстық перинатальдық орталығында​«АИТВ/ЖИТС-тың өзекті мәселелері, оның анадан балаға берілуінің алдын алу» тақырыбында​ ​ семинар өтті. Дәрісті акушер-гинеколог, эксперт дәрігер Б.Муханова және​ эпидемиолог А.Өскінова ​ жүргізді. Семинар АИТВ инфекциясының анадан балаға берілуінің алдын алу мәселесі бойынша орта медицина қызметкерлерінің ақпараттандыру деңгейін арттырып, АИТВ инфекциясының анадан балаға берілуін болдырмау мақсатында ұйымдастырылды. Шараға 63 қызметкер қатысты.

АИТВ жұқтырған анадан балаға вирустың берілуі бірнеше жолмен жүруі мүмкін. Ең көп таралған (80-90%) - бұл трансплацентальды инфекция, яғни вирустың ананың қанынан ұрықтың қанына плацента арқылы берілуі. Егер анасы жүктілік кезінде өзіне тағайындалған антиретровирустық препараттарды қабылдаса, инфекцияның трансплацентарлық берілу мүмкіндігі шамамен 3 есе төмендейді. Балаға АИТВ инфекциясының екінші берілу мүмкіндігі босану кезінде, бала босану жолымен жүріп, ананың қанымен және вагинальды секрецияларымен байланыста болған кезде беріледі. Бұл жағдайда инфекцияның алдын-алу- кесарь​ жүргізу. Инфекция ​ бала туылғаннан кейін-ана​ сүті арқылы берілуі мүмкін. Сондықтан, АИТВ жұқтырған әйелдерге ана​ сүтімен тамақтандыру ұсынылмайды. Арнайы шаралар болмаған кезде АИТВ-жұқтырған анадан АИТВ-жұқтырған баланың туу қаупі 30%-ды құрайды. Егер АИТВ-жұқтырған әйелдегі жүктілік және босану барлық қағидалар бойынша жүргізілсе, вирустың балаға берілу қаупі төмендейді.

Семинарда әйелдерді босандыру барысындағы жедел диагностика, профилактикалық шаралар жүргізу әдістері, АИТВ инфекциясы кезінде қауіпсіз босандыру негіздері, АИТВ инфекциясын жұқтырған аналардан туылған баланы тамақтандыру, ​ клинико-лабораториялық бақылау жүргізу мәселелері талқыланды. Қатысушылар тарапынан қойылған сұрақтарға жауап берілді.