Медицина қызметкерлерінің кәсіби мерекесіне орай, 2022 жылғы 15 маусым күні Маңғыстау облыстық перинатальдық орталығында ​ салтанатты шара өтті. ​ Мыңдаған нәрестелердің жарық дүниеге келуіне себепші болып, ана мен бала денсаулығы үшін уақытпен санаспай еңбек етіп жүрген​ ақ халатты жандардың еңбектері бағаланды. Алдымен, Маңғыстау облыстық перинатальдық орталығы ДДСҰ /ЮНИСЕФ БҚ критерийлеріне сәйкес, ана сүтімен сәтті емізудің барлық ұстанымдарын тәжірибеге енгізгені үшін «АНА мен БАЛАҒА ізгі ниетті емхана» атағы берілді. Шара барысында орталықта ​ жемісті жұмыс жүрген қызметкерлерге облыс əкімінің, облыстық денсаулық сақтау басқармасының, орталық басшысының, кәсіподақ атынан ​ марапаттар мен гүл шоқтары табыс етілді. Арнайы ​ мерекемен құттықтап келген облыстық филармония сазгерлері ән-күйлерімен медицина қызметкерлеріне тамаша көңіл-күй сыйлады.

​ Әріптестеріміздің ​ марапаттары құтты болсын! Кез келген ақ халатты жан үшін ең басты жүлде – ол пациенттердің денсаулығы мен олардың ризашылығы! Сіздерге өмірде мықты денсаулық, еңбекте жеміс, отбасыларыңызға бақыт тілейміз! Жан жылуыңызды аямай, ​ мейірімділікпен халықтың ыстық ықыласына бөлене беріңіздер!