Бөлімше 12 төсек орынмен қамтамасыз етілген. Жоғары санатты дәрігер неонатолог А.Ж.Тасирова басшылық етеді. Бөлімшенің материальдық- техникалық базасы баланың өмірін сақтап қана қоймай, ауыр асқынулардың дамуын алдын-алуға мүмкіндік беретін жоғары талаптарға сәйкес келеді. Бұл бөлімде өте қиын жағдайдағы және аса назар аударуды талап ететін нәрестелер, сондай-ақ ​ салмағы 500 грамм және одан жоғары сәбилерге ​реанимациялық көмек көрсетіледі. ​

Бөлімше қазіргі замануи аппаратурамен ​ қамтамасыз етілген. Олар артериялық қысымды, тыныс алуды, сатурацияны, транскутанды газдар, жылылықты өлшеуді, жүрек және қан айналымын, электрокардиограмманы талдауға, мониторлауға мүмкіндік береді. Бөлімшеде ​ өкпеге жоғары жиілікті желдеткіш өткізіп және азоттың оксидімен ингаляциялық терапия жасау, өкпенің жасанды желдеткіш аппараты (ИВЛ), температура мен ылғалдылықты тұрақтайтын кувездер, организмнің өмірлік маңызы бар параметрлерін бақылау үшін қажетті  монитор (жүрек соғысы, қан оттегімен қанықтыру, ЭКГ- тіркеу, артериялық қысым, тыныс алу жиілігі), көк тамырға дәрі-дәрмекті тұрақты енгізуге арналған аспап-перфузор, тыныс алу жолдарының санациясын жасау аппараттары ​ қолданыста. ​ Барлық қажетті лабораториялық-диагностикалық іс-шаралар тәулік бойы орындалады, рентгенологиялық зерттеу және ультрадыбыс (УДТ,нейросонография,ЭКГ), қанды фенилкетонурияға талдау жүргізіледі. Салалық мамандармен (көз дәрігері, невролог, кардиолог, хирург және т.б.) қажеттілігіне қарай кеңестер өткізіледі. Нәрестелердің тамақтандыруы жеке режимі бойынша жүргізіледі. Қарсы айғақтары болмаса, нәрестелер ана сүтімен тамақтандырылады. Ата-аналар нәрестенің жағдайы, оны емдеу тактикасы, аурудың ерекшеліктері туралы толық ақпарат ала алады. Жаңа туылған нәрестелерге өмір сүру мүмкіншілігін беру үшін мұнда мамандандырылған білікті дәрігерлер жұмыс атқаруда. ​