Орталықтағы КАТАМНЕЗ кабинетінің тәжірибелі акушер-гинеколог дәрігері Г.Мамбетбаеваның жұмысы ​ әйелдерді, оның ішінде жүктілікті жоспарлаушыларды тексеруге, емдеуге, күмәнді нәрестелерді, яғни, салмағы аз, әртүрлі патологиялары бар шала балаларды дүниеге әкелген аналарға катамнестикалық қадағалау​ жүргізуге бағытталған. Бақылаудың біздің орталықтағы артықшылығы- кезектің болмауы, зертханалық, аспаптық зерттеулер, салалық білікті мамандардың әйелдерге қолжетімділігі. ​ Тәжірибелі дәрігер босанғаннан кейін ауыр асқынулар байқалған пациенттерді бақылауды жалғастырады. Дәрігер үйлесімді жұмысының арқасында көптеген әйелдерді бақытты ана атануына септігін тигізді.

РЕСУРС орталығының акушер-гинеколог дәрігері А.Епенова ана мен бала бөлімшелерінде босанған аналарға баланы емізудің негізгі артықшылықтары мен пайдасы жөнінде ​ үнемі баяндап, ақыл-кеңестер беруді күнделікті дағдыға айналдырған. Дәрігер жас аналарға нәрестені қашан және қалай емізу керектігін перзентхана қабырғасында жете түсіндіреді. Жалпы психологиялық тұрғыда, ананы жан-жақты дайындап үйлеріне ​ шығарады Аналар емшек сүтімен қоректендіру, сәбидің алғашқы айында үй жағдайында дәрілік заттарды пайдалануға қатысты сұрақтарын қойып,нақты жауаптарына алады.