Қызылша – вируспен берілетін өте жұқпалы, ауыр түрде өтетін сырқат. Аталған аурумен сырқаттанған адамның орталық жүйке жүйесі зақымдалады. 

Инкубациялық кезең 7-21 күн аралығына созылады. Ауру ауа-тамшы жолдары арқылы науқас адам сөйлегенде, жөтелгенде немесе түшкіргенде беріледі. Сондай-ақ,  дене қызуының көтерілуі, бастың ауыруы, жөтел, мұрыннан су ағудан басталады. Негізгі белгілері жіті респираторлық вирустық инфекцияларға ұқсас. 

2023 жылғы 06 қараша күні орталықтың дәрігерлері мен орта медицина қызметкерлері үшін  Облыстық денсаулық сақтау басқармасының штаттан тыс бас инфекционист дәрігері  Нұржанова Гүлбану Аманжолқызы  ауқымды семинар өткізді. Жетекші маман қызылшаның белгілері, клиникасы, дифференциялдық диагностикасы,  белсенді және пассивті түрлері, клиникалық көріністері, ықтимал асқынулары,  стационардағы инфекциялық қауіпсіздік секілді тақырыптарға кеңінен тоқталды. Сонымен қатар, қазіргі  ситуациялық жағдайға тоқталып, алдын алу шараларын күшейту қажеттілігін атап өтті.