Балаларға екпе жасау – адамзаттың ​ үздік жетістіктерінің бірі.​ Екпе арқылы жер шарында миллиондаған бала мүгедектіктен, өлімнен аман қалады.

Перинатальдық орталықта ​ дүниеге жаңа келген дені сау сәбилерге туберкулезден (БЦЖ) және В гепатитінен екпелер сәбилердің салмағы мен денсаулық жағдайына орай жасалады. Егер балалардың денсаулық жағдайы ауыр, соматикалық ​ аурулары бар, әрі дене қызуы болса, оның үстіне мерзімі жетпей туылған болса екпе салынбайды. Кейбір аналар екпеден бас тартып жатады. Бірақ, біз бұл жағдайда екпенің ​ маңыздылығы жайлы анасына түсіндіреміз.

Қазіргі таңда орталықтың эпидемиолог дәрігері  Өскінова Ажар Ерболқызы мен неонатолог дәрігер Урунбасарова Толшын Рысқалиқызы мекемедегі акушер-гинеколог, педиатр, неонатолог дәрігерлер мен орта медицина қызметкерлерінің профилактикалық егуді ұйымдастыру, екпе жүргізуге қойылатын санитариялық-эпидемиологиялық талаптар, екпе жүргізер алдындағы міндетті медициналық тексеріп-қарау, вакцинациядан кейінгі бақылау, егуден кейінгі ықтимал реакциялар, егуді жүргізуге анасынан ерікті ақпараттандырылған келісім немесе бас тарту, ​ бас тартудың салдары және басқа да санитариялық қағидалар​ бойынша білімдерін пысықтап, түсіндірме жұмыстарын жүргізуде.