Озық шетел клиникаларында дәрігерлердің деңгейін жетілдіру айтарлықтай маңызды. ​ ​ ​ ​ ​ ​

Перинатальдық ​ орталықтың ​ генетик дәрігері ​ Нұргүл Саламатқызы Жусупова және УДЗ дәрігер Индира Расуловна Сейтмаганбетова Ресей мемлекеті, Санкт-Петербург қаласында​ «Медициналық генетиканың заманауи негіздері.​ Пренатальдық диагностика​ тәсілдері» тақырыбында ​білімдерін ​ жетілдірді.

Елімізде сәбилерде​ туа біткен және​ тұқым қуалайтын хромосомдық​ауруларды​ ерте анықтау және оларды азайту үшін, шет ел мамандарымен тәжірибе алмасу мақсатында ҚР ДСМ штаттан тыс бас генетик маманы, м.ғ.д,​ ​ профессор Г.Абильдиновтың бастауымен өңірлердегі​ штаттан тыс генетик мамандар Санкт Петербург қаласындағы​ Д.Отто атындағы Акушерия, Гинекология және Репродуктология Ғылыми-зерттеу Орталығында ​ білім жетілдіру курсынан​ өтті. Оқу барысында пренатальдық скрининг (биохимиялық, УДЗ), пренатальдық скрининг, жүктіліктің 1 және 2 кезеңінде хромосомдық аномалияда ​ ультрадыбыстық маркердің маңызы, пренатальдық инвазивтік​ диагностика (плацентоцентез, амниоцентез, кордоцентез), цитогенетикалық әдістердің (ПЦР, КФ ПЦР, секвенирование) ерекшелілігі секілді​ маңызды тақырыптарды қамтыды. ​

Пайдалы ақпараттар өңірдегі генетикалық зерттеулердің диагностикалық мүмкіндіктерін кеңейтуге, оның сапасын арттыруға әсер ететіні сөзсіз..