Акушерлік стационардағы ​ инфекциялық бақылаудың негізгі ​ мақсаттары: ​

инфекциялық бақылау жүйесін құру,

бірыңғай әдістемелік ұстаным қалыптастыру,  ​ босанған әйелдер мен жаңа туған нәрестелердің инфекция жұқтырып, ауруға шалдығуына жол бермеу, ​ аурудың ошақтық/топтық түрде таралуын жою, ​ жаңа туған нәрестелердің инфекциялық аурулардан шетінеуін және перинаталды ауруларға шалдығуын төмендету, әйелдерге және жаңа туған нәрестелерге медициналық көмек көрсету жүйесінде медициналық көмек сапасын арттыру әдістемесі мен қағидалары бойынша оқытылған мамандардың болуы, ​ медициналық көмектің сапасын жақсартуда инфекциялық бақылаудың маңызын медицина қызметкерлері түгелдей толық түсініп түйсінуі,бұл жүйенің нәтижелігін арттыру және госпитальдік инфекцияларды анықтайтын жүйенің ​ сапалы жұмыс ​ істеуі.

Маңғыстау облыстық перинатальдық орталығының дәрігерлері мен орта медицина қызметкерлері «Инфекциялық бақылау» тақырыбында ​ біліктілікті арттыру циклынан өтуде.

Оқыту курсын “UMC” корпоративтік қорының эпидемиологиялық бақылау қызметінің меңгерушісі, Эпидемиологиялық бақылау департаментінің бас эпидемиологы, жоғары санатты дәрігер эпидемиолог Гаухар ​ Өнерханқызы Ағажаева жүргізуде.

Дәрісте ​ акушерлік стационарда инфекциялық бақылауды ұйымдастырудың алгоритмі, ​ инфекциялардың алдын алу және бақылауға енгізу, инфекциялық бақылау жүйесінің микробиологиялық қамтамасыз ету жолдары, ​ ​ инфекциялардың берілу жолын ескере отырып, негізгі және арнайы сақтық шаралары, қалдықтарды басқару, дезинфекция мәселелері, инъекцияның қауіпсіз техникасы, медицина қызметкерлерінің денсаулығын сақтау және т. б. сұрақтар талдануда. 

Цикл аяқталғаннан кейін тыңдаушыларға біліктілікті арттыру туралы куәліктер табыс етіледі. Мұндай оқыту курсы инфекцияны бақылауға, алдын-алу процестерді жақсартуға, ​ инфекциялық бақылауды ұйымдастыруға және медициналық көмектің сапасын арттыруға ​зор  ​ ықпал ететіні сөзсіз.