2022 жылғы 01 желтоқсан күні ​ Маңғыстау облыстық перинатальдық орталығының конференцзалында ​ Маңғыстау облыстық мамандандырылған балалар үйінің ​ директоры ​ Ермуханова Сару Мухамбетқалиқызы ​ жүкті және босанған аналарға ​ емшек сүтімен тамақтандырудың қағидаттары бойынша ауқымды​ дәріс өткізді. ​ Бұл шара

Салауатты  өмір салтын қалыптастыру мамандары Ассоциациясының, ​ ​ негізгі мақсаты ​- халықтың репродуктивті денсаулығын ​ сақтауға, ана мен бала денсаулығын қорғауға бағытталған әлеуметтік жобасы аясында ​ жүзеге асырылды. С.Ермуханова орталықтағы жүкті және босанған аналарға емшек сүтімен тамақтандырудың қағидаттары бойынша маңызды мағлұматтар мен кеңестер берді. ​Шара соңында пайдалы  буклет​тер мен парақшалар таратылды. ​

 Айта кету керек, ​ Маңғыстау облыстық перинатальдық орталығы өткен ​ 2021 жылы ​ Дүниежүзілік денсаулық сақтау ұйымы​ және​ ЮНИСЕФ- Біріккен Ұлттар Ұйымы​ Балалар ​ ​ қорының бастамасымен ​ ​ нәрестелердің сырқаттанушылығы және өлім-жітімін төмендетуге, ​ емшек сүтімен емізудің сәтті және тұрақты болуын қамтамасыз ​ етуге бағытталған бағдарламаға сәйкес, ​ ​ «Балаға мейірімді аурухана» («Больница, доброжелательного отношения к ребенку») ​  халықаралық ​ мәртебесіне​ ие болды. Орталықта емшекпен табысты емізудің он қағидаты ​ қатаң сақталады. Емшекпен емізу насихатталады, көтермеленеді. ​ Барлық медициналық қызметкерлер осы қағидалар бойынша оқытылды және қосымша дағдылар мен ақпараттармен қамтамасыз етілді. Медицина қызметкерлері ​ жүкті және босанған ​ аналарды сәбиді кеуде сүтімен емізу ең жақсы нәрсе деп сендіруге тырысады және үйге қайтарда да баланы қалай тамақтандыру​ керектігін үйретеді.​ Аналарға босанғаннан кейін бірден​ сәбилерін емшек сүтімен қоректендіру қажеттілігін, емшек сүтінің пайдасы​ туралы ақпараттар береді. ​ Осылайша, нәресте мен ананың арасындағы эмоционалды жақындау жүзеге асырылады.

Қазіргі таңда емшекпен емізудің 10 критерийі ​ мейілінше сақталады. Олар: аналарды бала туылғаннан кейінгі алғашқы жарты сағатта емізуді бастау, аналарға емшек сүтімен емізудің әдістері туралы және дұрыс ақпарат беру, медициналық қажеттілік болмаса, жаңа туған нәрестелерге емшек сүтінен басқа тамақ бермеу, ана мен балаға бір бөлмеде 24 сағат тұруға рұқсат етілу, нәрестені кез-келген сұраныс бойынша емізу, емшек сүтімен емізетін нәрестеге жасанды күшейткіштердің берілмеуі және перзентханадан шығарылған аналарға емшек емізуді қолдауды жалғастыру керектігі. Бұл қолданылатын саналы әдістер әсіресе шала туылған сәбилерге өте пайдалы.

Емшек сүтімен қоректену дағдыларын жас аналарға насихаттау мақсатында барлық бөлімшелерде қолайлы жағдайлар жасалған. Орталықтың кіре берісінен бастап, бөлімдерде,​ холл,​ палаталарда ана сүтін насихаттауға бағытталған ақпараттар, хабарламалар ілінген.​ Орталық ұжымы бұл беделді мәртебені​ жоғары деңгейде ұстау үшін​ бар мүмкіндігі мен күш-жігерін жұмсайтын болады.